Guftugū tark-e-ḳhāmushī hai faqat - Ghazal by Khurshid Rizvi گفتگو ترک خامشی ہے فقط

اردو/Urdu
हिंदी/Hindi
English

گفتگو ترک خامشی ہے فقط - غزل از خورشید رضوی

گفتگو ترک خامشی ہے فقط

ہم سفر ایک اجنبی ہے فقط

عہد رفتہ کے ولولوں کا نشاں

اک مسلسل سی بے کلی ہے فقط

دیکھنا بھالنا گیا ترے ساتھ

آنکھ مدت سے سوچتی ہے فقط

ہر طرف اک اتھاہ سناٹا

چاپ اپنی ہی گونجتی ہے فقط

ہر طرف بے پناہ تاریکی

اپنی آنکھوں کی روشنی ہے فقط

اجنبیت کے یخ کدوں میں دوست

خود کلامی پہ زندگی ہے فقط

ہم کہاں اور جواز شکوہ کہاں

نالہ اظہار بے کسی ہے فقط

کر حفاظت متاع حیرت کی

حاصل زندگی یہی ہے فقط

اب دماغ سخن بھی ہے کس کو

عمر مدت سے کٹ رہی ہے فقط

خورشید رضوی

गुफ़्तुगू तर्क-ए-ख़ामुशी है फ़क़त - ख़ुर्शीद रिज़वी

गुफ़्तुगू तर्क-ए-ख़ामुशी है फ़क़त
हम-सफ़र एक अजनबी है फ़क़त

अहद-ए-रफ़्ता के वलवलों का निशाँ
इक मुसलसल सी बेकली है फ़क़त

देखना-भालना गया तिरे साथ
आँख मुद्दत से सोचती है फ़क़त

हर तरफ़ इक अथाह सन्नाटा
चाप अपनी ही गूँजती है फ़क़त

हर तरफ़ बे-पनाह तारीकी
अपनी आँखों की रौशनी है फ़क़त

अज्नबिय्यत के यख़-कदों में दोस्त
ख़ुद कलामी पे ज़िंदगी है फ़क़त

हम कहाँ और जवाज़-ए-शिकवा कहाँ
नाला इज़हार-ए-बे-कसी है फ़क़त

कर हिफ़ाज़त मता-ए-हैरत की
हासिल-ए-ज़िंदगी यही है फ़क़त

अब दिमाग़-ए-सुख़न भी है किस को
उमर मुद्दत से कट रही है फ़क़त